களத்தடுப்பில் கோட்டை விட்டதால் இலங்கையின் கிண்ணக் கனவு கலைந்தது.

பாகிஸ்தான் அணிக்கிடையிலான முக்கியமான வாழ்வா, சாவா போட்டியில் இலங்கை அணி பிடியெடுப்புக்கள் மற்றும் களத்தடுப்பில் சொதப்பியதால், சம்பியன்ஸ் கிண்ணக்கனவு கலைந்ததுடன் இலங்கை அணி ரசிகர்களை ஏமற்றிய நிலையில் நாடு திரும்பவுள்ளது.

இலங்கை - பாகிஸ்தான் அணி­க­ளுக்கு இடையே நடை­பெற்ற சம்­பியன்ஸ் கிண்ணக் கிரிக்கெட் போட்­டியில் பாகிஸ்தான் அணி 3 விக்­கெட்­டுக்­களால் வெற்றி பெற்று அரை­யி­று­திக்கு தகுதி பெற்­றுள்­ளது. 

இலங்கை அணியின் மோச­மான களத்­த­டுப்பு, குறிப்­பாக முக்­கி­ய­மான கட்­டத்தில் இரண்டு பிடி­யெ­டுப்­பு­களை தவ­ற­விட்­டதன் மூலமும், பந்­து­வீச்சு மற்றும் அணு­கு­மு­றையின் கார­ண­மாக இலங்கை தோல்­வி­யுற்று தொட­ரி­லி­ருந்து பரி­தா­ப­க­ர­மாக வெளி­யேற்­றப்­பட்­டது.

பாகிஸ்தான் அணியின் சிறப்­பான துடுப்­பாட்­டத்­தினால் இலங்கை அணி வெற்­றி­பெற் ­றது என்று சொல்­வ­தை­விட, இலங்கை வீரர்­களின் தவ­றால்தான் பாகிஸ்தான் வெற்றியை ருசித்தது எனலாம்.

236 ஓட்­டங்கள் என்ற இலக்கை விரட்­டிய பாகிஸ்தான் அணி முதல் ஓவ­ரி­லேயே ஒரு விக்­கெட்டை இழந்­தி­ருக்கும். லசித் மலிங்­கவின் முத­லா­வது ஓவரில் கைக்கே வந்து விழுந்த பந்தை தவ­ற­விட்டார் குண­தி­லக்க. இதன் பிறகு ஒரு ஓவர் நிதா­னித்து அதி­ர­டி­யாக ஆடத்­தொ­டங்­கினர் பாக். வீரர் கள். 11 ஓவர்­க­ளுக்கு விக்கெட் இழப்­பின்றி 74 ஓட்டங்­க ளைக் குவித்­தது பாகிஸ்தான். 

அரைச் சதம் எட்­டிய அக­மது  12 ஆவது ஓவரில் ஆட்­ட­மி­ழந்தார். தொடர்ந்து ஆட வந்த பாபர் அசாம் நீண்ட நேரம் நிலைக்­க­வில்லை. 10 ஓட்­டங்­களை மட்­டுமே எடுத்த நிலையில் அவர் பெவி­லியன் திரும்பஇ தொடர்ந்து வந்த முக­மது ஹபீஸ் அடுத்த ஓவரில் ஒரு ஓட்­டத்­துடன் வீழ்ந்தார். நன்­றாக ஆடி வந்த அசார் அலியும் 20 ஆவது ஓவரில் ஆட்­ட­மி­ழக்க 111 ஓட்­டங்­க­ளுக்கு 4 விக்­கெட்­டு­களை இழந்து பாகிஸ்தான் சற்று தடு­மாற்றம் கண்­டது.

தேவைப்­பட்ட ஓட்­டங்கள்  குறை­வா­கவே இருந்­ததால் பாகிஸ்தான் விக்கெட் இழப்­புக்­களை பற்றி பெரி­தாகக் கவ­லை­யுற்­ற­தாகத் தெரி­ய­வில்லை. அவர்கள் உடல் மொழியில் தன்­னம்­பிக்­கையே தெரிந்­தது.

ஆனால் 25ஆவது ஓவரில் ஷோயிப் மலிக்இ 26ஆவது ஓவரில் இமாத் வாஸிம்இ 30ஆவது ஓவரில் அஷ்ரப் என துரித கதியில் வீரர்கள் வெளி­யேற பாகிஸ்­தானின் ஆட்டம்இ சற்று ஆட்டம் கண்­டது. 30 ஓவர்­களின் முடிவில் 7 விக்­கெட்­டுக்­களை இழந்து 162 ஓட்­டங்கள் எடுத்­தி­ருந்­தது. வெற்­றிக்கு தேவை 20 ஓவர்­களில் 75 ஓட்­டங்கள். தொடர்ந்து களத்தில் இணைந்த சர்­பராஸ் அஹ­மது மற்றும் ஆமிர் இருவர் மட்­டுமே பாகிஸ்தான் அணிக்கு ஒரே நம்­பிக்­கை­யாக இருந்­தனர். அடுத்த 10 ஓவர்கள் இவர்கள் பொறுப்­பாக ஆடஇ மேற்­கொண்டு விக்கெட் இழக்­காமல் பாக். இலக்கை நெருங்­கி­யது.

இதற்கு நடுவில்இ 39ஆவது ஓவரில், மலிங்க வீசிய பந்தை சர்­பராஸ் நேராக தூக்க, கைக்கு வந்த பிடியை தவ­ற­விட்டார் திசர. அடுத்த ஓவரில் மீண்டும் சர்­ப­ராஸின் பிடியை தவ­ற­விட்டார் சீகுகே பிர­சன்ன. அதன்­பி­றகு அற்­பு­த­மாக ஆடி வந்த சர்­பராஸ் 71 பந்­து­களில் அரைச் சதம் கடந்தார். அவ­ரது அரைச் சதத்தை விட, அணிக்கு மிக முக்­கி­ய­மான 50 ஓட்­ட­ங்களை, முக்­கி­ய­மான கட்­டத்தில் குவித்தார் என்­பதே அந்த சூழலில் சிறப்­பம்­ச­மாக இருந்­தது.

சர்­பராஸ் தொடர்ந்து தோள் கொடுக்க, மறு­மு­னையில் முக­மது ஆமிரும் அவ­ருக்கு உறு­து­ணை­யாக இருந்தார். இறு­தியில் 44 ஆவது ஓவரின் 5ஆவது பந்தில், சர்­பராஸ் அடித்த பவுண்­ட­ரி­யுடன் பாகிஸ்தான் அணி வெற்றி இலக்கை எட்டி 3 விக்­கெட்­டுக்கள் வித்­தி­யா­சத்தில் வெற்றி கண்­டது. முக்­கி­ய­மாக அரை­யி­று­திக்கும் தகு­தியும் பெற்­றது.

இலங்கை அணியின் மோச­மான களத்­த­டுப்பின் மூலம் அரு­மை­யான வாய்ப்பை கோட்­டை­விட்­டுள்­ளது. இந்த போட்­டியில் தோல்­வி­யுற்­றதன் மூலம் சம்­பியன்ஸ் கிண்ணத் தொட­ரி­லி­ருந்து இலங்கை அணி வெளி­யேற்­றப்­பட்­டது.

இந்த வெற்­றியின் மூலம் அரையிறுதிக்கு தகுதிபெற்றது பாகிஸ்தான். அதன்படி சம்பியன்ஸ் கிண்ண அரையிறுதிப் போட்டியில் இங்கிலாந்துஇ இந்தியாஇ பங்களாதேஷூடன் பாகிஸ்தானும் இணைந்துகொண்டது. இதன்படி அரையிறுதிக்கு மூன்று ஆசிய அணிகள் நுழைந்திருப்பது குறிப்பிடத்தக்கது.